झापा
गौरादह उद्योग वाणिज्य संघको आगामी नेतृत्व चयनका लागि यही जेठ ९ गते हुने निर्वाचनअघि केही पदमा निर्विरोध चयन भएको छ ।
संघअन्तर्गत भुगोलतर्फ वडा नं. २ र ३ बाट सदस्य पदमा गौरादह २ मा रहेको स्टार क्याफे सञ्चालन गर्दै आएका सुजन कार्की निर्विरोध निर्वाचित भएका छन् ।
त्यस्तै भुगोलतर्फ वडा नं. ७ र ८ बाट शंकरप्रसाद अधिकारी तथा वडा नं. ९ बाट गजेन्द्र ढुंगाना पनि सदस्य पदमा सर्वसम्मत चयन भएका छन् ।
उद्योगी–व्यवसायीहरूको साझा संस्था गौरादह उद्योग वाणिज्य संघको निर्वाचन यही शनिबार हुँदैछ । निर्वाचनमार्फत नयाँ नेतृत्व चयन गरिनेछ ।
निर्वाचनमा अध्यक्षसहित विभिन्न २० पदका लागि ३८ जना उम्मेदवार चुनावी मैदानमा रहेका छन् । चुनावलाई व्यवसायीमाझ चासोका साथ हेरिएको छ ।
