बिर्तामोड ।
‘झापामा सञ्चारः नीति र बजारको प्रभाव’ बिषयक अन्तरक्रिया कार्यक्रम गत आइतबार झापाको विर्तामोडमा सम्पन्न भएको छ ।
नेपाल आदिवासी जनजाति पत्रकार महासंघ (फोनिज) झापाले आयोजना गरेको सो अन्तरक्रियामा वक्ताहरुले वर्तमान अवस्थामा मिडियामाथि आएका चुनौतीहरुका बारेमा चर्चा गरेका थिए ।
फोनिज झापाका अध्यक्ष अर्जुन राजवंशीको अध्यक्षतामा सम्पन्न कार्यक्रममा फोनिज सङ्घीय उपाध्यक्ष अर्जुन जम्नेली राई, नेपाल पत्रकार महासंघ कोशी प्रदेशकी उपाध्यक्ष अम्बिका भण्डारी, महासंघ झापाका अध्यक्ष एकराज गिरी, फोनिज झापाका संस्थापक अध्यक्ष दिपिन राई, फोनिज सङ्घीय सदस्य भूमिका फियाक लिम्बू, प्रेस चौतारी झापा अध्यक्ष प्रदीप परियार, प्रेस युनियनकी उपाध्यक्ष सविना लिम्बू, नारी सञ्चार गृहकी अध्यक्ष स्वातिका आचार्यलगायतले सञ्चारमाध्यमहरुले भोग्नु परेका विभिन्नि कठिनाईका बारेमा आ–आफ्नो धारणा राखेका थिए ।
अध्यक्ष राजवंशीले सो विषयमा कार्यपत्र प्रस्तुत गरेका थिए । उपाध्यक्ष तीलक योन्जनले स्वागत तथा सचिव सन्तोष लिम्बूको सञ्चालन रहेको थियो ।
बिर्तामोड नगरपालिकाको सहयोगमा अन्तरक्रिया कार्यक्रम सम्पन्न गरिएको फोनिज झापाले जनाएको छ ।
