दमक ।
लगातार ५ दिनदेखि ओरालो यात्रामा रहेको शेयर बजार शुक्रबार भने झिनो अंकले बढेको छ । शुक्रबार सेयर बजार १.६३ अंक बढेको नेपाल स्टक एक्सचेन्स (नेप्से)ले जनाएको हो ।
शुक्रबारको कारोबारपछि नेप्से २७०२ अंकमा कायम भएको छ । शुक्रबार न्यूनतम २६९२ र अधिकतम २७११ अंकको बीचमा रहेको हो ।
बिहीबार ३ अर्ब ४१ करोडको कारोबार भएकोमा शुक्रबार ४ अर्ब ५३ करोडको कारोबार भएको नेप्सेले जनाएको छ ।
शुक्रबारको कारोबारमा बैंकिङ जम्मा ०.०८ अंक रातो रह्यो । त्यस्तै विकास बैंक ०.१३, होटल तथा पर्यटन ०.३१, निर्जीवन बीमा ०.३३, अन्य ०.२९ प्रतिशत घटे ।
फाइनान्स ०.६६, जलविद्युत् ०.०९, लगानी ०.११, जीवन बीमा ०.३३, उत्पादन तथा प्रशोधन ०.२४, माइक्रोफाइनान्स ०.०२ तथा व्यापार ०.७५ प्रतिशत बढे ।
दुई नयाँ कम्पनीको मूल्य १५ प्रतिशत बढेको छ । सोपान फर्मास्युटिकल्स र एपोलो हाइड्रोपावरको मूल्य १५ प्रतिशत बढेको हो । यो वृद्धिपछि सोपानको मूल्य प्रतिकित्ता १०६० रुपैयाँ तथा एपोलोको ९१६ रुपैयाँ पुगेको छ ।
बिहीबार धेरै कारोबार भएकामा कम्पनीमा सोपान फर्मास्युटिकल्स, आँखुखोला जलविद्युत्, युनाइटेड मोदी हाइड्रोपावर र बुंगल हाइड्रोपावर छन् ।
