प्रधानमन्त्री वालेन्द्र शाह बालेनले आइतबार संसदमा जवाफ दिने क्रममा सुकुम्बासी समस्याको विषयमा जवाफ दिएका छन् । प्रतिनिधिसभाको बैठकमा श्रम संस्कृति पार्टीका सांसद आरेन राईले सुकुमबासीको समस्याका बारेमा प्रश्न राखेका थिए ।
‘सुकुम्बासी समस्या समाधान सामाजिक सञ्जालमा मात्र हुन्छ कि साँच्चिकै हुन्छ ?,’ सांसद राईको प्रश्न थियो ।
जवाफमा प्रधानमन्त्री बालेनले सुकुम्बासीका समस्या समाधान हुने बताए । ‘काठमाडौं उपत्यकामा रहेका खोला किनारमा रहेकालाई अन्य स्थानमा स्थानान्तरण गर्ने काम भएको हो । बाढी आउँदा उहाँहरूको घर डुबानमा पर्ने स्वास्थ्यअवस्था पनि नाजुक थियो । ढल सिधै खोलामा मिसाइएको थियो । त्यसबाट आएको दुर्गन्धबाट बिरामी हुने अवस्था थियो । बिरामी पनि परिराख्नुभएको थियो । खोला पनि फोहोर भइरहेको छ । सबैभन्दा पहिलो कुरा उहाँहरूको ज्यान जोखिममा थियो । ज्यान जोखिमबाट बचाउने काम गरेको हो नेपाल सरकारले,’ प्रधानमन्त्री बालेनले भने, ‘उहाँहरूलाई जग्गा व्यवस्थापनको लागि भूमिसम्बन्धी समिति छ । त्यसमा तीन मन्त्रालयले काम गरिरहेको छ । हतार गरेर हुँदैन । जति समय लाग्छ लाग्छ । ३५ वर्षमा नभएको चिज ३५ मिनेटमा नखोजौँ, समय लाग्छ ।’
