गौरादह । झापाको गौरादह नगरपालिका ७ फगेटीमा स्कुल बसको ठक्करबाट एक बालकको मृत्यु भएको छ ।
बुधबार साँझ करिब ५ बजे सर्जक एकता बोर्डिङ स्कुलको को १ ख ६९४० नम्बरको बसले सोही विद्यालयमा अध्ययनरत ४ वर्षीय आरोग्य चिमरियालाई घरमा ओराल्ने क्रममा किचेको जिल्ला प्रहरी कार्यालय झापाले जनाएको छ ।
गौरादह ७ निवासी खड्ग चिमरियाका छोरा आरोग्यको घटनास्थलमै मृत्यु भएको थियो । घटनापछि बस र चालक गौरादहकै ५७ वर्षीय लालबहादुर बस्नेतलाई इलाका प्रहरी कार्यालय गौरीगञ्जले नियन्त्रणमा लिएको छ ।
प्रहरीका अनुसार आवश्यक कानुनी प्रक्रिया पूरा गरी साँझ ७ बजे शव पोस्टमार्टमका लागि दमक अस्पताल पठाइएको छ । घटनाबारे थप अनुसन्धान भइरहेको प्रहरीले जनाएको छ ।
