मोरङको विराटनगरमा रहेको ग्लोबल आइएमई बैंकका शाखा प्रमुख पिताम्बर खड्काको मृत्यु प्रकरणले गम्भीर मोड लिएको छ । खड्काको मृत्युपछि सार्वजनिक भएका विवरण र जाहेरीका आधारमा घटनामा आर्थिक चलखेल र दबाबको प्रयास भएको आरोप लागेको छ ।
खड्काले मृत्यु अघि बैंकका सीइओ सुरेन्द्र कुमार रेग्मीसहितका उच्च अधिकारीहरूको तस्बीर सार्वाजनिक गर्दै फेसबुकमा स्टाटस लेखेको र त्यसको केही घण्टामै उनी मृत अवस्थामा भेटिएपछि बैंकका उच्च अघिकारी अनुसन्धानको धेरामा तानिएका छन् । सीइओ रेग्मीसहितका ४ जना अधिकारी विरुद्द जाहेरी दर्ता भई अनुसन्धान भइरहेको प्रहरी बताउँछ । तर, सीइओ सहितका अघिकारी हालसम्म पनि पक्राउ नपर्नुले प्रहारी अनुसन्धानको निश्पक्षतामै प्रश्न उठाउन थालिएको छ ।
मृतक खड्का परिवार निकट एक सदस्यका अनुसार बैंकका उच्च अधिकारीहरूले मुद्दा मिलाउन उनले लिएको होम लोन मिनाहा गरिदिने, एक करोड रुपैयाँ नगद र खड्काकी श्रीमतीलाई ग्लोबल आईईमइ बैंकमै जागिर दिने प्रस्ताव गरेको छ । तर, बैंकका उच्च अधिकारीको उक्त प्रस्तावमा परिवारभित्रै सहमति छैन । ती सदस्यका अनुसार जाहेरकर्ता रहेका खड्काका बाबु–आमाले कुनै पनि आर्थिक सम्झौता स्वीकार नगर्ने अडान लिएका छन्। त्यसो त कानुनी रूपमा आत्महत्या दुरुत्साहन मुद्दामा मिलापत्र गर्न मिल्दैन। जसका कारण यो मुद्दा थप जटिल बनेको छ ।
खड्का आत्महत्या दुरुत्साहनको मुद्दामा बैंकका उच्च अधिकारी नै मुछिएकोले अनुसन्धान प्रक्रियामा समेत दबाब देखिन्छ । यस घटनामा उच्च तहबाटै अनुसन्धान प्रभावित पार्ने प्रयास भएकोले मृतकले नामै किटान गरि जाहेरी दर्ता हुँदासमेत आरोपीहरुलाई पक्राउ नगरि खुलेआम छोडिएको आशंका बलियो बनेको छ ।
जाहेरकर्ता अर्थात् मृतककाअनुसार बैंक प्रसासनकले खडका जागिर छोड्न दवाव दिँदै अन्यथा दुर्गममा सरुवा गर्ने धम्की दिँदै आएको थियो । सोहिक्रममा उनलाई लामो समयदेखि जिम्मेवारीबिहीन समेत बनाइदिएको थियो । त्यसमाथि बैंकले उनलाई जागिर छोड्न मानसिक भन्दै लामो समयदेखि तनाव दिइएको थियो ।
मृत्युको दिन फेसबुकमा “यी ४ जना हराम खोरले मलाई मर्न बाध्य बनाए”भन्दै पोस्ट आएको र केही घण्टामै खडका मृत भेटिएको जाहेरीको विवरण उल्लेख छ ।
हाल सो घटनामाथि प्रहरी अनुसन्धान जारी रहेको बताईएको छ । तर, अनुसन्धान गरी दोषीमाथि कडाभन्दा कडा सजाय हुने आश्वासन दिई मृतक खडकाको अन्त्यष्टि गरेका परिवारले भने न्यायको अनुभूति गर्न पाएका छैनन्, आरोपीहरुसँग प्रहरीले सामन्य सोधपुछ सम्म गर्ने हिम्मत गरेको छैन ।
घटना सार्वजनिक भएपछि सीइओ सुरेन्द्रकुमार रेग्मी, डेपुटी सीइओ सुमन पोखरेलसहितका आरोपी पदाधिकारी भने सम्पर्क विहीन छन् ।
अर्थ संजालबाट
