सरकारका प्रवक्ता एवं शिक्षामन्त्री सस्मित पोखरेलले राष्ट्रिय स्वतन्त्र पार्टी (रास्वपा) सभापतिको भारत भ्रमणसँग प्रधानमन्त्री वालेन्द्र शाहको कुनै सम्बन्ध नभएको प्रतिक्रिया दिएका छन् ।
आज बसेको मन्त्रिपरिषद् बैठकका निर्णयबारे जानकारी दिएसँगै सञ्चारकर्मीले लामिछानेको भारत भ्रमणसँग प्रधानमन्त्रीको सम्बन्ध के हो भनेर प्रश्न गरेका थिए । पोखरेलले सभापतिको भारत भ्रमण अलग्गै भएको हुँदा यसमा कुनै सम्बन्ध नभएको स्पष्ट पारेका हुन् ।
उनले प्रधानमन्त्री शाह अहिले १ सय दिनभित्र गरिसक्नुपर्ने कामकै कारण व्यस्त रहेको र भारत एवं अन्य देशको भ्रमणमा समय दिन नसकेको बताएका छन् ।
‘प्रधानमन्त्रीका समय आउँछ । भारत मात्रै होइन, कहीँ पनि जानुभएको छैन । अहिले काममै फोकस हुनुहुन्छ’, उनले भने ।
