एमाले अध्यक्ष केपी शर्मा ओलीले २१ फागुनको चुनाव नाटक मात्रै रहेको बताएका छन् ।
२१ फागुनको चुनावपछि पहिलोपटक बुधबार सार्वजनिक कार्यक्रममा सहभागी भएका ओलीले चुनाव नाटक मात्रै भए पनि आफूहरूले स्वीकारेको बताएका हुन् ।
परिणाम आफूहरूले स्वीकारे पनि अन्धविश्वासमा भने नरहेको उनले बताए ।
‘२१ फागुनको चुनाव नाटक मात्रै थियो । यसको परिणाम पूर्वनिर्धारित थियो । हामीले पनि धेरै चुनाव लडेका छाैँ । चुनावमा मतदातासँग भेट हुन्छ उम्मेदवारहरूको । तर मतदाताले चिन्दै नचिनेको मानिसले डबल मत ल्याएर चुनाव जित्नु भनेको पूर्वनिर्धारित योजना हो’, ओलीले भने, ‘यो नाटक मात्रै थियो । मतदाताको नङको मसी घर नपुग्दै मेटिएको थियो ।’
