श्रम संस्कृति पार्टीका अध्यक्ष हर्क साम्पाङ राई मोटरसाइकल दुर्घटनामा परेका छन् । साम्पाङ बिहीबार उदयपुरको कटारीबाट बेलका जाँदै गर्दा आफैँले चलाएको मोटरसाइकल दुर्घटनामा परेका हुन् ।
हर्कले एक हातले भिडियो खिच्दै मोटरसाइकल चलाइरहेका बेला दुर्घटना भएको बताइएको छ । हर्कले एक हातले मोटरसाइकल चलाएको र अर्को हातले भिडियो खिचिरहेको भिडियो पनि सार्वजनिकसमेत भएको छ ।
दुर्घटनापछि उनको हातमा चोट लागेको छ ।
आफ्नो हातमा चोट लागेपछि हर्कले सामाजिक सञ्जालमा लेखेका छन्, ‘म आफैँ लडेँ चोट मलाई नै लाग्यो । अलि–अलि चोट लाग्नु नि पर्छ, तर देशलाई चोट दिएको छैन मैले । धेरै नकराउनु ।’
