सुनको मूल्य ३ लाख मुनी

दमक ।

नेपालमा सुनको भाउ फेरि ३ लाखमुनि झरेको छ । बिहीबार सुनको भाउ ३ लाख भन्दा तल झरेको हो ।
नेपाल सुनचाँदी व्यवसायी महासंघले बिहीबारका लागि सुनको मूल्य प्रतितोला २ लाख ९९ हजार ५ सय रुपैयाँ तोकेको छ ।

अघिल्लो दिनको तुलनामा २ हजार ३०० रुपैयाँले घटेपछि बिहीबार नेपाली बजारमा सुनको भाउ ३ लाख मुनी कारोबार भइरहेको छ ।

हिजो बुधबार सुन ३ लाख १ हजार ८ सय रुपैयाँमा कारोबार भएको थियो ।

त्यस्तै चाँदीको भाउ तोलामा ६० रुपैयाँले घटेर बिहीबार ४ हजार ६२५ रुपैयाँमा कारोबार भइरहेको छ । बुधबार चाँदी प्रतितोला ४ हजार ६८५ रुपैयाँमा कारोबार भएको थियो ।