कमन देवानका ५ रुबाइ

१.
तिमीसँग धनसार छ
मसँग संसार छ
जीवन बुझाई मात्र फरक
आफू–आफू अन्सार छ ।

२.
आँखा बन्द थियो
मुस्कान मन्द थियो
तिमी र म बीचको
बेग्लै सुगन्ध थियो ।

३.
पखलास् ! बबाल गर्छु भन्थ्यो
तँलाई हलाल गर्छु भन्थ्यो
बिचरा, मृत्युको शिकार भएछ ऊ
प्रिय शत्रु ! मेरो काल गर्छु भन्थ्यो ।

४.
नदी र बगर सँगसँगै
पीडा र रहर सँगसँगै
मिठो छ, मिथ्या जीवनको
गरिबी र शहर सँगसँगै ।

५.
बाकस हुँ भन्छ थैलो छ तर
कालो हुँ भन्छ कैलो छ तर
ढाँट्नै नमिल्ने कुरो ढाँट्छ ऊ
सफा हुँ भन्छ मैलो छ तर ।