काठमाडौँ । विश्वकप फुटबलमा नेदरल्याण्ड्स र जापानले बराबरी खेलेका छन् । एटीएन्डटी स्टेडियममा भएको खेलमा मध्यान्तरसम्म गोलरहित बराबरी भएकामा ५१ औँ मिनेटमा भर्गिल भान जिकले गोल गर्दै नेदरल्याण्ड्सलाई प्रारम्भिक अग्रता दिलाए ।
५७ औँ मिनेटमा केटो नाकामुराले गोल गर्दै जापानलाई बराबरीमा ल्याए ।
६४ औँ मिनेटमा क्रिसेन्सिओ समरभिल्लेले गोल गर्दै नेदरल्याण्ड्सलाई फेरि अग्रता दिलाए । तर ८९ औँ मिनेटमा डाइची कमाडाले गोल गर्दै जापानलाई बराबरीमा ल्याउन सफल भए ।
खेलमा नेदरल्याण्ड्सले ६० प्रतिशत बल नियन्त्रणमा लिन सफल भए पनि टिमलाई जिताउन भने सकेन ।
टार्गेटमा पनि नेदरल्याण्ड्सले ६ ओटा प्रहार गरेको थियो । जबकि जापानले ३ ओटामात्र प्रहार गरेको थियो ।
यो खेलसँगै समूह एफमा जापान र नेदरल्याण्ड्सले समान १–१ अंक बटुलेका छन् भने स्वीडेन र ट्युनिसियाले बिहान ७ः४५ बजे पहिलो खेल खेल्दैछन् ।
प्रतिक्रिया
यस समाचारमा आफ्नो विचार राख्नुहोस्।