सुनको मूल्य ४०० रुपैयाँले बढ्यो

नेपाली बजारमा मंगलबार सुनको मूल्य तोलामा ४०० रुपैयाँले बढेको छ । बजेटपछि आइतबार खुलेको बजारमा एकैदिन तोलामा २० हजार ५०० रुपैयाँले बढ्दै ३ लाख ११ हजार १०० रुपैयाँ पुगेको थियो ।

सोमबार तोलामा २०० रुपैयाँले घट्दै ३ लाख १० हजार ९०० रुपैयाँमा झरेको थियो । तर, मंगलबार (आज) ४०० रुपैयाँले बढ्दै सुनको मूल्य ३ लाख ११ हजार ३०० रुपैयाँ पुगेको हो ।

यसैगरी, आज चाँदीको मूल्य पनि तोलामा ५० रुपैयाँले बढ्दै ५ हजार ४०५ रुपैयाँ पुगेको नेपाल सुनचाँदी व्यवसायी महासंघले जनाएको छ । अघिल्लो दिन चाँदी तोलामा ५ हजार ३५५ रुपैयाँमा कारोबार भएको थियो ।