नेपाली कांग्रेसको क्रियाशील सदस्यता अद्यावधिक गर्ने संख्या मंगलबारसम्म ७ लाख ८२ हजार २०९ पुगेको छ ।
महामन्त्री तथा क्रियाशील सदस्यता व्यवस्थापन समिति संयोजक प्रदीप पौडेलका अनुसार ४ लाख २३ हजार २३७ जनाले कांग्रेस आईडी प्राप्त गरिसकेका छन् भने १ लाख १ हजार ३०९ जनाको अद्यावधिक प्रक्रिया जारी छ ।
अझै २ लाख ५७ हजार ६६३ जनाको विवरण अद्यावधिक हुन बाँकी छ ।
अद्यावधिकको समय अब दुई दिन मात्र बाँकी रहेकाले महामन्त्री पौडेलले सबै क्रियाशील सदस्यलाई अनिवार्य रूपमा सदस्यता अद्यावधिक गर्न र अन्य सदस्यलाई पनि सहजीकरण गर्न आग्रह गरेका छन् ।
